((**Es8.905**)
2. ° Rector autem maior eum ad acceptionem
admittet, vel non, ((**It8.1071**)) prout
sibi in Domino melius judicaverit. At, ubi de illo
apud Capitulum res erit, solum in societatem
cooptabitur, si saltem maiorem suffragiorum partem
obtinuerit.
3. ° Ut quisquam ad vota emittenda admittatur,
necesse erit ut in annum tirocinium exerceat. At
nemo ad votorum emissionem admittendus est, nisi
sexdecim aetatis annos fuerit praetergressus.
4. ° Haec autem vota bis per triennium
repetentur. Sex autem annis transactis, facta es
cuilibet ea tertio quoque anno repetendi, vel
perpetua faciendi, se videlicet per omnem vitam
votis obligandi.
5. ° Ut socius Congregationi possit adscribi,
praeter virtutes, quae regulis perscribuntur,
debet etiam anteactam vitae rationem testimonio
comprobare ex quo constet:
a) Status illius liber atque de bonis moribus
declaratio a proprio Episcopo exarata;
b) Illius nativitas et baptismus;
c) AEre alieno non esse gravatum;
d) Numquam in illum crimine inquisitum fuisse;
e) Nullo neque physico, neque morali
impedimento detineri, quo irregularis fiat ad
Sacerdotim ineundum;
f) Parentum consensus, saltem antequam votis se
adstringat.
6. ° Quod ad valetudinem attinet, talis sit, ut
saltem tirocinii anno omnes Societatis regulas
absque exceptione possit observare.
7. ° Si quis studiorum causa societatem
ingrediatur secum ferre debebit): a) Vestimenti
supellectilem congruentem; b) Quingentos nummos
argenteos quibus dispendia suppleantur quae pro
victu et vestitu necessaria erunt anno tirocinii;
c) Tercentos nummos argenteos, tirocinio peracto,
antequam vota edantur.
8. ° Socii adiutores supellectilem tantum et
tercentos nummos argenteos ingressuri conferant,
quin alia obligatione divinciantur.
9. ° Rector aliquem poterit a conditionibus
eximere quae in articulo septimo et octavo sunt,
ubi iusta ratio adsit, et quaedam plus minusve
late excipere.
10. ° Societas Divina Providentia innixa, quae
iis numquam deest, qui sperant in ipsa, omnia
providebit, quae cuique necessaria sunt, sive
florente valetudine, sive premente morbo. Quibus
tamen erga illos tantum Societas devincitur, qui
jam votis se obligarunt.
11.° Omnibus autem duo potissimum cordi habenda
sunt: a) Attente caveat unusquisque, ne se
habitudinibus cuiuscumque generis, rerum etiam per
se indifferentium devinciri patiatur; cuiusque
vestis, lectus et aedicula munda sint et decentia;
b) At omnes summopere studeant affectationem et
ambitionem devitare. Nihil magis sodalem
religiosum exornat quam vitae sanctimonia, qua
caeteris in omnibus praeluceat.
12. ° Quisque paratus sit, ubi opus erit,
aestus, frigora, sitim, famem, ((**It8.1072**))
labores et contemptum tolerare, quoties haec omnia
conferant ad maiorem Dei gloriam, spiritualem
aliorum utilitatem, suaeque animae salutem.
(**Es8.905**))
<Anterior: 8. 904><Siguiente: 8. 906>
