((**Es8.904**)
DE DOMIBUS PECULIARIBUS
N. 12
1. ° Siquando singulari divinae Providentiae
favore peculiaris praeter principalem domus
aperiatur, ante omnia Superior Generalis quod ad
spiritualis attinet et temporalia ex regulis,
quibus principales domus regitur, conveniet cum
Episcopo Dioecesis, in qua domus est aperienda,
eique in iis sacri ministerii omnibus partibus
subiicietur, quas regularum Societatis observantia
patiatur.
2. ° Si autem domus aperienda sit iuniorum
seminarium, vel seminarium clericorum, qui
grandiori jam sint aetate, tunc non solum quod ad
sacrum ministerium spectat, sed omnis etiam
Superiori Ecclesiastico submissio praebebitur in
eligenda materia, quae tradi debeat, in ((**It8.1070**)) libris
adhibendis, in disciplina atque etiam in temporali
administratione iis tenebitur, quae Rector Maior
constituet.
3. ° Socii ad recentem domum adlecti, minus
duobus non sint, ex quibus unus saltem Sacerdos
esse debet. Directoris nomem Superior assumet.
Quaeque domus bona possidebit et administrabit,
quae vel dono data, vel in societatem illata sunt,
ut peculiari illi domui inservirent; et ea semper
ratione a Superiore Generali descripta.
4. ° Peculiares domos saltem semel in anno
inviset Rector, ut diligenter inquirat, an officia
expleantur, quae regulae Societatis praescribunt;
simulque animadvertat, an spriritualium et
temporalium administratio ad propositum finem
reapse spectet, ut scilicet Dei gloria et animarum
salus promoveatur.
5. ° Ad Directorem autem quod attinet, ita se
in cunctis gerat, ut omni temporis puncto eorum
possit rationem reddere Deo et Superiori Rectori,
cui se subiiciens divinam in eo voluntatem
perspiciet.
6. ° Praecipua est eiusdem Rectoris cura in
recenti quaque domo capitulum constituere, quod
numero sociorum in ea habitantium congruat.
7.° Ad hoc autem capitulum constituendum
conveniet Rector Superior, recentis domus Director
et principales domus capitulum.
8. ° Inter eligendos primus est Catechista,
deinde vero Aeconomus, tertio tandem singuli
deinceps consiliarii, ubi congruat sociorum
numerus iis qui stabiles ea domo immorentur.
9. ° Catechista spiritualia quaeque illius
domus procurabit, ac quoties opus erit, Directorem
admonebit.
10. ° Quod si ob distantiam, tempora et loca
oporteat quaedam excipere in capitulo
constituendo, vel in eorum, ex quibus constant,
muneribus, omni ad id auctoritate Rector Maior
valebit, consentiente tamen capitulo domus
principis.
11. ° Director neque emere, neque vendere
immobilia poterit, nisi adsit Rectoris maioris
consensus; in administratione tantum quacumque
auctoritate pollebit, at in iis, quae maioris
momenti sint, consultius erit capitulum suum
convocare, nec quidpiam deliberare nisi illius
consensus habeatur.
DE ACCEPTIONE
N. 13
1. ° Vix quispiam societatem ingredi petierit,
Director spiritualis necessariam postulantis
notitiam assequetur, quam Rectori tradet.
(**Es8.904**))
<Anterior: 8. 903><Siguiente: 8. 905>
