((**Es19.351**)
sed tot etiam filios -florentem praesertim aetatem
christianis praeceptis christianis- que moribus
conformando -Iesu Christo peperit.
Quapropter quod instanter perorando postulastis
quodque innumera beati huius caelitis familia
fieri gestit suisque precibus maturavit, id
benigne excipere communibusque votis satisfacere
percupit Sanctitas Sua. Vult nihilominus ut antea,
ex vetustissimo Apostolicae Sedis more, ad rem
fauste feliciterque definiendam, caelestis Curiae
supplicatio a nobis omnibus interponatur.
AL INSTANTATIUS.-Procul dubio admotae ad
caelestem Aulam preces supplicationesque
efficacissimae exstitere; procul dubio, quod nos
cupimus omnes, angelorum itidem sanctorumque
agmina exoptant; ac Deo ipsimet voluntas est novum
hoc sanctitudinis ornamentum atque exemplum
militanti Ecclesiae dilargiri. Verumtamen,
quamquam nullus relinquitur ambigendi locus beatum
Ioannem Bosco sempiterna in caelis beatitate
perfrui, quam, divina aspirante gratia, per
sanctissima rerum gesta promeruit, per me nihilo
secius edicit Beatissimus Pater velle se, antequam
inerrans edatur oraculum, Superni Spiritus lumen,
ad rem religiosissime perficiendam, sibi ab
omnibus concilietur.
AL INSTANTISSIME.-In hac rerum hominumque
maiestate, quae caelestis Aulae fulgorem refert
divinosque concentus, eventum mox ((**It19.427**)) visuri
sumus, quod in Dei gloriam communemque salutem
maximopere conferet. Etenim, nulla iam interposita
mora, lesu Christi Vicarius optatissimam fallique
nesciam sententiam suam laturus est. Eam prona
fronte gratoque animo excipiamus; ac caelestia
munera, quae hodie procul dubio e beati huius
caelitis manibus uberiora profluunt, cum nobis,
tum laboranti Ecclesiae conciliemus.
16
Fórmula de la canonización
(En castellano, en el texto, pág.
179)
Ad honorem Sanctae et individuae Trinitatis, ad
exaltationem fidei catholicae et christianae
Religionis augmentum, auctoritate Domini Nostri
lesu Christi, Beatorum Apostolorum Petri et Pauli
ac Nostra; matura deliberatione praehabita et
divina ope saepius implorata, ac de Venerabilium
Fratrum Nostrorum S. R. E. Cardinalium,
Patriarcharum, Archiepiscoporum et Episcoporum in
Urbe exsistentium consilio, Beatum. Ioannem Bosco
Sanctum esse decernimus et definimus, ac Sanctorum
catalogo adscribimus; statuentes ab Ecclesia
universali eius memoriam quolibet anno, die natali
illius, nempe die XXXI Ianuarii, inter Sanctos
Confessores non Pontifices pia devotione recoli
debere. In nomine Pa>>tris et fi >> lii et
Spiritus>>Sancti.
17
Homilía del Padre Santo
(La traducción al castellano, en el texto, pág.
181 y siguientes)
Venerabiles Fratres ac dilecti Filii,
Geminata hodie perfundimur laetitia ac Nobiscum
universa afficitur Ecclesia, quod victoriam ex
mortis et ex inferorum potestate a Iesu Christo
partam celebramus,
(**Es19.351**))
<Anterior: 19. 350><Siguiente: 19. 352>
