((**Es10.846**)
3. Singulis diebus unusquisque non minus unius
horae spatio orationi vocali et mentali vacabit,
nisi quisquam impediatur ob exercitium sacri
ministerii; tunc maiori, quae fieri poterit,
frequentia eas per iaculatorias preces supplebit,
maiorique affectus vehementia Deo offeret opera,
quibus a constitutis pietatis exercitiis arcetur.
4. Quoque die Deiparae Immaculatae tertia
Rosarii pars recitabitur, et in spirituali
lectione aliquantulum operae navabitur.
5. Cuiusque hebdomadae feria VI ieiunium erit
in honorem Passionis D.N.I.C.
6. Ultimo omnium mensium die, a temporalibus
curis remotus, quantum fieri poterit, se quisque
spiritu in se recipiet, et exercitio vacabit, quod
ad bene moriendum fieri solet, spiritualia et
temporalia componens, tamquam mundus illi esset
relinquendus, et aeternitatis via adeunda.
7. Unusquisque quotannis per dies ferme decem
vel saltem sex secedat ut pietati unice operam
det; quibus transactis, criminum annuali
confessione se rite abluet. Omnes, antequam in
societatem cooptentur, per decem dies in
exercitiis spiritualibus impendent, seque generali
confessione purgabunt.
8. Licebit autem Rectori statuere, ut ab his
pietatis operibus abstineatur certo quodam tempore
et a certis sociis prout opportunius in Domino
iudicabit.
9. Quoties Divina Providentia socium, sive
laicum, sive sacerdotem ad vitam aeternam
vocaverit, omnes illius domus Socii Sacrum
facient, ut anima mortui suffragiis adiuvetur. Qui
sacerdotes non sunt, semel saltem ad id
Eucharistiam accipiant.
10. Idem pietatis officium exercebitur, quoties
alicuius socii pater aut mater moriatur.
11. Mortuo Rectori suffragabuntur omnes
congregationis socii, idque: 1. Tamquam grati
animi pignus ob curas et labores, quos in regenda
societate sustinuit; 2. Ut a poenis Purgatorii
liberetur, quae illi forsitan ob nostram causam
perferendae erunt.
12. Singulis annis die immediata post festum
sancti Francisci Salesii omnes congregationis
sacerdotes pro sociis defunctis missam
celebrabunt. Caeteri ad Sacram Synaxim accedant,
tertiam B. M. V. Rosarii partem una cum aliis
precibus persolventes.
((**It10.912**))
XIV
DE NOVITIORUM MAGISTRO
EORUMQUE REGIMINE 1
1. Socius quicumque tria probationis stadia
facturus est, antequam absolute in societatem
recipiatur.
Primum probationis stadium novitiatum
praecedere debet, et appellatur aspirantium;
secundum est Novitiatus proprie dictus; tertium
est tempus votorum triennalium.
1 No existe este Capítulo en las Reglas
anteriormente presentadas.
(**Es10.846**))
<Anterior: 10. 845><Siguiente: 10. 847>
