((**Es10.842**)
utilitatem conferre cognoscit, iuxta Rectoris
voluntatem provideat, atque res magni momenti
Rectori patefaciat, ab eodemque consilium petat.
10. Praefectus, Rectore absente, illius vicem
gerit in iis omnibus quae ad consuetum societatis
processum spectant, vel quae peculiariter illi
fuerunt demandata.
11. Ipse rationem habebit exceptae et expensae
pecuniae; notabit legata, alicuius momenti
donationes in quamcumque domum collatas et earum
destinationem. Omnis venditio, emptio, omnesque
mobilium et immobilium facultatum fructus sub
Praefecti custodia et responsione erunt.
12. Praefectus igitur est veluti centrum a quo
totius societatis administratio proficisci et ad
quod referri debet. Praefectus vero Rectori
subiicitur, eique facti saltem semel in anno
rationem reddet.
13. Oeconomus materialem totius societatis
processum procurabit et diriget.Ipse enim
executioni mandabit emptiones, venditiones,
((**It10.907**))
aedificationes et alia similia. Sed in causis
civilibus et rudicialibus agere non poterit absque
Sanctae Sedis consensu. Itidem Oeconomi muneris
est consulere ut unicuique domui, quae necessaria
sunt, suppeditentur.
14. Consiliarii omnibus deliberationibus
intersunt, quae ad acceptionem vel remotionem vel
votorum admissionem alicuis socii pertinent. Si
agatur de aperienda nova domo; de alicuius domus
Directore eligendo; de contractibus rerum
immobilium emptionis aut venditionis; denique de
rebus maioris momenti, quae ad rectum Societatis
generalem processum spectant. Si in suffragiorum
emissione maior pars favorabilium non habetur
omnes de re agenda, deliberationes Rector
protrahet.
15. Unus de consiliariis ex delegatione
Rectoris curam aget de rebus scholasticis totius
Societatis. Alii duo pro opportunitate vices
gerent alicuius membri de Capitulo Superiore, qui
vel ob infirmitatem vel aliam causam munere suo
fungi nequeat.
16. Unusquisque ex superioribus, Rectore
excepto, quatuor annos in munere suo manebit, ac
iterum eligi poterit. Si quis autem ex Capitulo
Superiori morte vel quacumque causa cessaverit a
proprio officio antequam quadriennium
adimpleverit, Rector Maior eius munus tradet cui
melius in Domino iudicaverit, sed tantum usque ad
finem quadriennii iam incepti a socio cessante.
17. Si opus fuerit, Rector Maior cum Capituli
Superioris consensu constituet visitatores,
eisdemque curam quamdam demandabit de certo
domorum numero, quum earum distantia et numerus id
postulaverit. Huiusmodi visitatores sive
inspectores Rectoris Maioris vices gerent in
domibus et negotiis eisdem demandatis.
X
DE SINGULIS DOMIBUS
1. Siquando singulari divinae Providentiae
favore aliqua domus sit aperienda, ante omnia
Superior Generalis, quod ad spiritualia attinet,
conveniet cum Episcopo Dioecesis, in qua domus
aperienda est, eique in omnibus sacri ministerii
partibus subiicietur, quas regularum societatis
observantia patiatur.
2. Sed hac in re cautissime incedendum est, ne
in domibus aperiendis, vel in administrationibus
cuiuscumque generis suscipiendis aliquid statuatur
vel agatur contra leges ecclesiasticas aut
civiles.
(**Es10.842**))
<Anterior: 10. 841><Siguiente: 10. 843>
